INDRE HAUGLAND

Frå OS SOGA III side 176 – 194

43. INDRE HAUGLAND 

Um namnet, uttale og skrivemåtar, sjå ytre Haugland, som er grannegarden på nordsida.  Indre Haugland ligg likeins som den nemnde grannegarden på høgdi austanfyre Hauglandsosen.  Medan tuni på begge gardane låg samla, kunde nemningi ytre og indre vera rimeleg, men etter utskiftingi høver dei ikkje.  Sume av bruki på ytre Haugland er no komne millom dei inste av alle.  Indre Haugland var «Kapitelgods», d. v. s.  Bergens bispestol var eigar, tildess bygslemennene fekk kjøpa bruki i tidi 1834 – 1842. 

Or gamle matriklar og teljingar:
1668: Saar 3¾ tdr. korn stadtmaal, afler 15 tdr. god agger og eng, temmelig udmarch, paalagt at plante homblehagge.  
1723: Skoug til huusbehov og fornøden brendefang ellers intet, ingen qvern eller fiskerie, slet jordart og tungvinden, men maadelig vis til korn.  Haver ingen anden næring end af dens gaards aufling.  
1865: Har 19 maal dyrket ager og eng, deraf 7 maal godt, 7 middels og 5 slet, har 79 maal naturlig eng, hvoraf 17 maal godt, 36 middels og 26 slet, af englandet kan 4 maal dyrkes.  Har skog til husbrug men intet at sælge, kan føde 4 ungnød ved lyng, er letbrugt og almindelig drevet. 

Busetnad og buskap.  

Hus-Menne-Hes-Stor-Sma-Gjei-Svin.UtsådUtsåd
lydar.skje.tar.fe.ler.ter.korn.poteter.
16573  21     
16683  21   3,8tun 
17233  24   9» 
1800521       
183552811818 18»4,5tun.
1865530 32432512,5tun.12tun.
190074213044 513,5hl.32,5hl.
1920115132240 412,5mål11mål
1930125822851 25,3»11,3»
1939  23726 43»8»

INDRE HAUGLAND 1. 

Niels pa Hogeland er fyrste brukaren som me kjenner namnet på her.  Han hadde garden i 1519. 

Lafridtz pa Hwgelandt (Lars Haugland) var brukar i 1521.  Han og Torstein ytre Haugland fostra ihop 3 stutar for lensherren på Bergenhus den vinteren.  For dette fekk dei 15 alner ferisk vadmål i fosterløn. 

Håvard indre Haugland var brukar i 1563.  Kvar han og dei nemnde brukarane var frå, veit me ikkje. 

Albrigt indre Haugland var brukar i 1591.  Kona heitte Marta, og anten var ho dotter eller mannen son åt Mattis ytre Haugland.  Dei hadde truleg fleire born, men me kjenner berre 3: Mattis, f. ikr. 1595, s. br. 2, Helga, f. ikr. 1600, g. 1620 Mons ytre Haugland, s. y. H. 2, Nils, f. ikr. 1602, s. br. 3.  Albrigt sat godt i det.  Han døydde i 1602. 

Anders Haugland vart gift med ekkja Marta indre Haugland i 1603 og fekk bygsla garden.  Kvar Anders var frå er uvisst, men det er sumt som tyder på at han var son åt Nils Askvik.  Av borni kjenner me: Albrigt, f. ikr. 1604, g. Synneva Taralds dtr., s. øvre Rød 1, Ingeborg, f. ikr. 1610, s. n., Anna, f. ikr. 1612, d. ug. 1680.  Mikkjel indre Lekven, s. i. L. 2, var tvillaust ogso son hans.  Anders var velstandsmann og nær på den likaste mannen i bygdi.  Han døydde alt i 1619. 
Ekkja Marta indre Haugland tok sjølv garden då mannen døydde og hadde noko av den radt til 1638.  I 1623 fekk ho skift garden i 3 partar soleis at dei tvo sønene hennar frå fyrste giftarmålet fekk kvar sin part, s. br. 2 og 3.  Marta var ei megga til kona som greidde sakene betre enn mangein kar.  Dei som vilde takast med henne på tinget e. l. gjekk jamnast i tapet.  Ho sat godt i det og åtte m. a. noko av garden Holme i Tysnes.  I 1638 let ho bruket frå seg til versonen, men ho livde til langt ut i 1650 åri. 

Eivind Olson ytre Haugland, f. ikr. 1610, vart i 1638 gift med Ingeborg Anders dtr. indre Haugland, f. ikr. 1610, og fekk bygsla bruket eter vermori.  Ingeborg døydde i 1660 åri og Eivind gifte seg att med ei som heitte Brita, og som var fødd ikr. 1640.  Av borni kjenner me: Anders, f. 1638, Kari, f. ikr. 1640, g. ikr. 1660 Johannes Askvik, s. A. 1, Marta, f. ikr. 1645, g. 1672 Nils Røttingen, s. R. 4, Anna, f. ikr. 1653, g. 1678 Mortein Jonson, Ola, f. ikr. 1655, s. n.  Eldste sonen, Anders, måtte ut i ufreden 1658 – 60 og kom ikkje heim att.  Truleg døydde han i striden ved Halden 1660, s. O. B. I 498.  Eivind sat tolleg godt i det.  Han var ein vyrd mann i bygdi og var lagrettemann og takstmann i mange år.  Eivind døydde i 1700, og det vart då skrive i kyrkjeboki at han var 94 år gamall. 

Ola Eivindson indre Haugland, f. ikr. 1655, bygsla bruket etter faren ikr. 1680.  G. 1681 Helga Nils dtr. Bø, f. 1660.  Dei hadde ikkje born.  Ola heldt tingstova ei tid; men då husi var kleine, vart tinget flutt over til grannen på br. 2.  På tinget i 1706 var det stort slagsmål millom nokre Hovlandskarar og lensmannssønene på Hauge, og basketaket gjekk fyre seg i stova åt Ola Eivindson.  Ola var radt ein velstandsmann, men kneip stødt på skjelingen.  Då det var skifte etter kona hans i 1714, hadde ikkje tausi fenge løn på 6 år.  Ho skulde ha 4 dalar ialt for desse åri, og for det fekk ho ei svartsida ku, ei underseng og ei gamall svart klædestrøya.  Ola døydde i 1725 og Helga i 1714. 

Mons Torsteinson Storum, f. 1698, bygsla bruket etter Ola.  G. I 1725 Kari Jakobs dtr. indre Haugland, f. 1703, d. 1747, g, II 1748 e. Brita Lars dtr. indre Haugland, f. p. ytre Moberg 1698, s. br. 4.  Av 7 born vaks berre 3 upp: Barbru, f. 1732, s. br. 3, Jakob, f. 1735, s. n., Torstein, f. 1738, g. 1762 Anna Lars dtr. indre Lekven.  Mons sat ikkje so godt i det som fyremennene, men greidde seg då nokolunde.  Han døydde i 1769 og Brita i 1768.  

Jakob Monsson indre Haugland, f. 1735, bygsla farsbruket i 1761.  G. 1762 Ragnhild Jokums dtr. indre Moberg, f. 1736.  Dei fekk 3 born medan dei var busette på Haugland: Mons, f. 1763, Guro, f. 1765, g. 1783 Ola Nilsson Holmefjord, Mari, f. 1771.  I 1765 kom Jakob og tvo av grannane hans i ei leid knipa.  Regimentsmeden Hans Flint skulde ha skyss frå Hatvik til Hardanger, og Hauglandsmennene var med ei vikes varsel tilsagde å skyssa.  Dei skulde nett gjera ein bytur, og i tru på å koma att til skyssferdi um fredagen rodde dei tidleg måndags morgon til Bergen.  Men veret vart ruskut.  Dei greidde ikkje koma att til fredagen, og dei vart sett under tiltale for «opsætsighed».  Korleis det gjekk dei, veit me ikkje, men truleg måtte dei leggja store bøter.  Jakob greidde ikkje sitja med bruket, og i 1774 måtte han gjeva det frå seg.  Han reiste då or bygdi med kona og tvo av borni, og me veit ikkje kvar det vart av dei.  

Ekkja Anna Jons dtr. ytre Haugland bygsla no dette bruket samstundes som ho bygsla br. 3. Sjå um henne under br. 3. 

Bagge Pederson ytre Haugland, f. 1750, som same året bygsla bruk 3, festa ogso bruket her i 1777 då Anna sa det frå seg.  Sjå um Bagge under br. 3. 

Hans Kristofferson ytre Haugland, f. p. Øvredal 1754, bygsla bruket i 1784.  G. 1785 Magdela Bagges dtr. Lyssand, f. 1757, som var i ætt med Bagge Haugland.  Magdela døydde i 1809, og Hans gifte seg att året etter med ei som heitte Ingeborg Ols dtr. og som truleg ikkje var frå Os.  Born: Kristoffer, f. 1786, d. 1805. Bagge, f. 1792, s. m, Marta, f. 1796, d. ug. 1861.  Tvo born døydde unge.  Hans sat tungt i det.  Han døydde i 1834 og Ingeborg nokre år seinare. 

Bagge Hansson indre Haugland, f. 1792, kjøpte farsbruket i 1832 for 180 spd.  G. 1828 Mari Anders dtr. Ytre Haugland, f. 1806.  Born: Brita, f. 1832, d. ug. 1862, Hans, f. 1835, s. n., Magdela, f. 1839, d. ug. 1883, Ingeborg, f. 1841, g. 1864 Knut Ferstad, s. F. 6, Anna, f. 1845, g. 1885 Nils Olson Storum, s. S. 7.  Bagge dreiv med sjøen likeins som dei fleste av grannane hans.  Han døydde i 1856 og kona i 1847. 

Hans Baggeson indre Haugland, f. 1835, skøytte farsbruket i 1854.  G. 1858 Kristi Hans dtr. Lepsøy, f. 1826.  Born: Hans, f. 1858, g. 1882 Kari Ivars dtr. Lepsøy, i Amerika, Anders, f. 1862, sjømann, g. 1883 Ingeborg Eivinds dtr. ytre Moberg, s. y. M. 8, Maria, f. 1864, g. Jakob Njøten, b. Austrheim.  I 1858 selde Hans bruket til lensmann Nieuwejaar, men var framleis brukar.  Han døydde i 1903 og kona i 1900. 

Hans Andersson Ferstad, f. 1861, kjøpte bruket i 1887 for 2400 kroner og busette seg her.  G. 1887 Guro Anders dtr. Lunde, f. 1861.  Born: Brita, f. 1890, hushjelp, Bernhard, f. 1894, i Amerika, Anders Martin, f. 1899, s. n., Ragnhild, f. 1901, g. 1932 Andreas Mikkjelson Nernes, Varaldsøy, Hans, f. 1904, i Amerika.  Ein gut døydde ung.  Hans var gardsarbeidar på Ferstad og dreiv ogso treskoarbeid attåt gardsbruket sitt.  Han døydde i 1931 og kona i 1922. 

Anders Martin Hansson indre Haugland, f. 1899, skøytte farsbruket i 1924.  G. 1921 Larsina Gravdal frå Varaldsøy, f. 1899.  Born: Gudrun, f. 1922, Alf, f. 1923, d. ung, Inger Johanne, f. 1925, Hans, f. 1927, Aud (tvilling), f. 1932, Liv, f. 1932, Asbjørg, f. 1939.  Anders reiser som agent for symaskinor o. a. 


INDRE HAUGLAND 2. 

Mattis Albrigtson indre Haugland, f. ikr. 1595, bygsla dette bruket då mori skifte garden i 3 partar i 1623.  Mattis vart gift ikr. 1620, men kven kona var, veit me ikkje.  Ho døydde ikr. 1630, og Mattis gifte seg att i 1631 med ei som heitte Kari.  Av borni kjenner me: Marta, f. ikr. 1623, Botilda, f. ikr. 1625, s. n., Kari, f. ikr. 1630, s. n., Jon, f. ikr. 1632, g. ikr. 1663 Barbru ytre Drange, s. y. D. 3, Agata, f. ikr. 1635, g. 1675 Nils Skjeie, s. Lunde 2. 
I kopskattmanntalet 1645 stend at ekkja Kari og døtterne hennar Marta og Botilda hadde bruket.  Når Kari var ekkja, so måtte mannen Mattis då vera død, men det var han truleg ikkje.  I 1646 stend Mattis atter som brukar og er nemnd i skattelistone kvart år til 1656.  Kvar han var i 1645 då kona vart skrivi som ekkja, veit me ikkje.  Etter det me kann skyna, vart Mattis gift andre gongen ikr. 1650 med Anna Torbjørns dtr., f. ikr. 1620, som truleg var dotter åt Torbjørn Hatvik.  Med siste kona fekk Mattis døtterne Kari, f. ikr. 1653, g. ikr. 1672 Jon Sørstrønen, s. S. 2, og Eli, f. ikr. 1655, g. 1682 Vinsjans ytre Haugland, s. y. H. 5.  Mattis døydde ikr. 1670, og ekkja gifte seg att i 1674 med Ola Sørstrønen, s. S. 1. 

Lars Olson ytre Haugland, f. ikr. 1618, vart ikr. 1645 gift med ei dotter åt Mattis og fekk bygsla bruket etter verfaren i 1657.  Han tykkjest fyrst å ha vore gift med Boel (Botilda) Mattis dtr., f. ikr. 1625, og seinare med systeri Kari Mattis dtr., f. ikr. 1630.  Born: Ola, f. ikr. 1646, s. n., Kari, f. ikr. 1650, ug. Marta, f. ikr. 1660, g. 1686 Jon Halhjem, s. H. 3, Mattis, f. 1663, båtsmann på orlogskip, b. Kjøpenhamn, Nils, f. 1665, g. 1684 Guro nedre Rød, s. n. R. 2.  Lars dreiv med sjøen og sat godt i det.  Både han og Kari døydde i 1670. 

Ola Larsson indre Haugland, f. ikr. 1646, bygsla bruket då faren døydde.  G. 1671 Kari Simons dtr. Kuven, f. ikr. 1640.  Av 9 born vaks berre 4 upp: Lars, d. e., f. 1671, d. ug. 1695, Anna, f. 1674, g. 1697 Jon ytre Moberg, s. y. M. 4, Lars d. y., f. 1679, s. n., Simon, f. 1689, g. 1713 Brita Lyssand, s. Ferstad 4.  Ola sat godt i det og var ein mykje vyrd mann.  Kona hans gjekk med eit sylvbelte som var verd 8 dalar, d. v. s. verdet av 4 kjyr.  Kvar det vart av beltet seinare, veit me ikkje.  Bror åt Ola, Mattis, fekk det utlagt på seg som arv etter faren, og kannhenda vart det sendt til eigaren i Kjøpenhamn.  Ola hadde romslege hus og heldt tingstova i mange ar.  Han døydde i 1709 og kona i 1721. 

Lars Olson indre Haugland, f. 1679, bygsla farsbruket i 1699.  G. 1700 Helga Anders dtr. Lyssand, f. 1672.  Born: Marta, f. 1702, g. 1724 Peder indre Moberg, s. Ferstad 2, Mons, f. 1705, g. 1726 Brita indre Drange, s. i. D. 2, Rasmus, f. 1708, g. 1732 Gjertrud indre Moberg, s. i. M. 5, Ola, f. 1711, s. n., Helga (tvilling), f. 1715.  3 born døydde unge.  Lars vart utskriven til sjøvernet og var ute i ufreden 1710 – 1714.  Han døydde i 1738 og Helga i 1741. 

Ola Larsson indre Haugland, f. 1711, vart brukar saman med faren i 1734 og seinare saman med mori då ho vart ekkja.  G. 1734 Anna Ellings dtr. indre Lekven, f. 1713.  Born: Helga, f. 1735, g. 1759 Halvard Røttingen, s. R. 3, Elling, f. 1736, d. ung, Lars, f. 1738, s. n.  Ola dreiv fiske og døydde alt i 1741, samstundes med mori, utan å ha fenge feste på garden. 
Ekkja Anna Ellings dtr. stjorna so bruket eitt års tid. 

Rasmus Vermundson Mobergslien, f. p. Ferstad 1711, vart i 1742 gift med ekkja Anna Ellings dtr. og bygsla bruket.  Dei hadde ikkje born.  Rasmus dreiv med sjøen og sat tolleg godt i det.  Han døydde i 1777 og Anna i 1781. 

Lars Olson indre Haugland, f. 1738, var berre 16 år gamali då han i 1754 vart brukar saman med mori og stykfaren.  I 1756 fekk han bygsla bruket.  G. 1762 Brita Hans dtr. Ferstad, f. 1742.  Born: Anna, f. 1763, s. br. 5, Brita, f. 1766, g. 1788 Johannes Osøyri, s. O. 1, Kari, f. 1767, s. n., Sofia, f. 1770, g. 1798 Tomas Lunde, s. L. 4, Helga, f. 1773, g. 1793 Elling Røttingen, s. R. 1, Marta, f. 1775, d. ug. 1797, Ola, f. 1780, d. ung, Hans, f. 1782, g. 1810 Kari Døsen, s. D. 2.  Lars dreiv med sjøen likeins som fyremennene.  Han var saman med grannen Jakob på byturen i 1765 då dei skulde skyssa frå Hatvik.  I 1788 skifte han bruket sitt soleis at eldste dotteri fekk helvti og skipa nytt bruk, s. br. 5, medan han sjølv hadde resten.  Lars døydde i 1796 og kona i 1810. 

Ola Olson Storum, f. 1769, vart i 1794 gift med Kari Lars dtr. indre Haugland, f. 1767, og hadde alt året fyrr bygsla bruket etter verfaren.  Dei fekk berre eitt barn, dotteri Unna, f. 1796, d. 1802.  Ola dreiv fiske og sat tolleg godt i det.  I 1833 kjøpte han bruket for 160 spd.  Ola døydde brått i 1836, og kona fall frå i 1840. 

Lars Larsson indre Haugland, f. 1795, som var systerson åt Kari, kjøpte bruket då Ola døydde.  G. 1826 Kari Engjels dtr. Berge frå Fusa, f. 1803.  Born: Ola, f. 1826, s. n., Anna, f. 1833, d. ug. 1906, Engjel, f. 1835, s. n.  Lars dreiv med sjøen.  Han døydde i 1857 og kona i 1882. 

Ola Larsson indre Haugland, f. 1826, skøytte farsbruket i 1850.  Ola var fiskar og dreiv med sjøen likeins som faren.  Han døydde alt i 1862. 

Engjel Larsson indre Haugland, f. 1835, fekk skøyte etter broren i 1862.  G. 1867 Marta Nils dtr. indre Haugland, f. 1833.  Born: Lars, f. 1871, s. n.  Tvo gjentor døydde unge.  Engjel dreiv fiske ved sida av gardsbruket.  Han døydde i 1917 og kona i 1911. 

Lars Engjelson indre Haugland, f. 1871, skøytte farsbruket i 1895.  G. 1894 Tilla Kristoffers dtr. Ferstad, f. 1870.  Born: Maria, f. 1895, g. 1917 Anders Skorpen, s. Nordstrønen 14, Karina, f. 1897, s. n., Engjel, f. 1899, g. 1923 Brita Særvoll, s. ytre Haugland 9, Kristoffer, f. 1902, i Amerika, Larsina, f. 1911, hushjelp.  Lars er murar og steinarbeidar.  Han hev vore med i ymse kommunalt arbeid gjenom åri. 

Johannes Larsson ytre Haugland, f. 1897, vart i 1924 gift med Karina Lars dtr. indre Haugland, f. 1897, og skøytte bruket etter verfaren i 1938.  Born: Tilla, f. 1925, Lars, f. 1926, Aagot, f. 1929, Edit, f. 1936.  Johannes er bøkkar og trearbeidar, og hev ogso drive steinarbeid. 


INDRE HAUGLAND 3. 

Nils Albrigtson indre Haugland, f. ikr. 1602, vart fyrste brukaren her då mori i 1623 fekk skift garden sin i 3 partar.  Nils vart gift med ei som heitte Marta, men me veit ikkje meir um henne.  Av borni kjenner me 3: Kari, f. ikr. 1623, Anders, f. ikr. 1627, s. n., Anna, f. ikr. 1640, g. 1687 Ola ytre Haugland, s. y. H. 6.  Isak Storum, f. ikr. 1625, s. S. 4, var truleg ogso son hans.  Nils var ein stor og sterk kar, og var skyss-skaffar i Osbygdi.  I 1620 dengde han ein handelsmann frå Bergen, David Person, og gav han «nogle thøre hog met nefuerne».  For dette fek han heile 3 dalar (1½ kuverd) i bot.  Nils døydde i 1644. 
Ekkja Marta indre Haugland hadde so bruket i fleire år.  Ho sat tungt i det, men greidde sitja med bruket til ho døydde i 1654. 

Anders Nilsson indre Haugland, f. ikr. 1627, bygsla bruket etter mori.  G. ikr. 1653 Kari Ols dtr., f. ikr. 1633, som var dotter åt ein av Ola’ane på ytre Haugland.  Av 11 born vaks 9 upp: Marta d. e., f. ikr. 1654, g. 1690 Arne Hjelle, s. H. 2, Nils d. e., f. 1656, d. ug., Ola, f. 1659, d. ug. Albrigt, f. 1661, g. 1686 Kristi Storum, s. S. 2, Anna, f. 1663, g. 1688 Størk ytre Haugland, s. y. H. 5, Jakob, f. 1665, s. n., Marta d. y., f. 1669, d.ug., Nils d. y., f. 1673, g. 1702 Marta Heggland, s. Valle 1, Kari, f. 1676, g. 1701 Lars Sørstrønen, s. S. 3.  Anders var ein drivande kar og greidde seg tolleg godt trass den store huslyden sin.  Han døydde i 1696 og kona i 1693. 

Jakob Andersson indre Haugland, f. 1665, bygsla farsbruket ikr. 1690.  G. 1689 Kari Ols dtr., f. ikr. 1660.  Kvar Kari var frå, veit me ikkje.  Av 10 born vaks berre 5 upp: Guro d. e., f. 1691, d. 1709, Marta, f. 1702, g. 1730 Anders Særvoll, s. S. 1, Kari, f. 1703, s. n., Anders, f. 1707, g. 1733 Gjertrud ytre Haugland, s. y. H. 7, Guro d. y., f. 1709, g. 1730 Samson ytre Haugland, s. y. H. 1.  Jakob greidde seg ikkje slik som faren, men sat svert smått i det og skulda mykje meir enn det han åtte.  Han døydde i 1739 og Kari i 1734. 

Mons Torsteinson Storum, f. 1698, som hadde br. 1 på garden og var gift med Kari Jakobs dtr. indre Haugland, f. 1703, bygsla ogso dette bruket etter verfaren i 1736.  Sjå um Mons og huslyden hans under br. 1. 

Ekkja Brita Lars dtr. indre Haugland, f. p. ytre Moberg 1698, som hadde br. 4 bygsla ogso dette bruket i 1742 då Mons sa det frå seg.  Brita hadde fleire born, m. a. sonen Ola, s. n.  Sjå um Brita under br. 4. 

Ola Pederson indre Haugland, f. 1726, vart brukar for mori her i 1745 og fekk bygsla bruket i 1756.  G. 1753 Barbru Mons dtr. indre Haugland, f. 1732.  Born: Kari, f. 1756.  Mor åt Ola og far åt Barbru hadde nett ogso gift seg ihop, s. br. 1.  Ola dreiv med sjøen og greidde seg tolleg godt.  Han kom i strid med grannen Ola på br. 4 um grensone for slåtteteigane, og då innmarki var skift i ei mengd teigar, var grensa jamt noko uviss.  Ola skulda grannen for å ha slege ein teig uløyves og teke høyet, og det vart ei heil sak um dette.  Kva endelykti vart, veit me ikkje.  Ola døydde alt i 1757, berre 31 år gamall. 
Ekkja Barbru Mons dtr. hadde so bruket eit par år. 

Ola Olson Halhjem, f. 1729, gifte seg i 1759 med ekkja Barbru Mons dtr., og hadde alt året fyrr fenge bygsel på bruket.  Born: Mons, f. 1763, Ola, f. 1767.  Tvo gutar døydde unge.  Ola sat svert tungt i det.  Saman med grannane på br. 1 og 2 kom han i knipa for skyssen frå Hatvik, s. br. 1.  Han døydde i 1772. 
Ekkja Barbru Mons dtr. streva so med bruket eit par år, men greidde det ikkje og måtte gjeva upp.  I 1774 flutte ho frå garden, og kvar det sidan vart av henne og borni, veit me ikkje. 

Anna Jons dtr. ytre Haugland, f. p. Skjørsand i Fusa i 1727, bygsla bruket i 1774, samstundes som ho ogso bygsla br. 1.  Ho hadde vore gift med Kristoffer ytre Haugland og dei hadde jord der, s. y. H. 1, men måtte gå frå bruket i 1767, og mannen hennar var nett død då ho bygsla her.  Sjå meir um Anna og huslyden hennar under ytre Haugland 1. 


Bagge Pederson ytre Haugland, f. 1750, vart i 1777 trulova med ekkja Anna Jons dtr., og fekk bygsla begge bruki som Anna hadde.  Dei vart ikkje gifte fyrr i 1779 og hadde ikkje born.  Bagge kom i stor strid med grannen Jakob um løda på garden.  Alle 4 bruki på indre Haugland hadde ei og same løda.  Ho vart for liti og trang, og i 1760 åri hadde fyremannen åt Bagge skøytt på løda 3 sperrelag i lengdi for å få rom til høyet.  Men på denne måten kom løda for nær eldhuset og eldsfåren vart større.  Grannane tok til motmæle, og den nye luten av løda vart beinast nedriven att.  Løda var difor, då Bagge kom til garden, like liti og trang som ho hadde vore. 
Bagge, som hadde tvo bruk og halve garden, gjorde ogso krav på bruk av halve løda.  Men grannane meinte at når det berre var 3 mann på garden so skulde kvar ha ein tridjepart.  Um hausten 1778 hadde Bagge lagt høy i halve løda, men Jakob tok og kasta høyet på garden, og um sumaren etter flutte han fjoset sitt inn i løda og stengde dermed for at Bagge fekk nytta meir enn tridjeparten.  Sjølvsagt vart det rettsak av dette, men det enda med forlik og Bagge bygde upp ei ny løda for sine bruk.  Han dreiv ogso fiske og sat tolleg godt i det.  I 1796 kom han burt på sjøen.  Kona var død fyrr.  Då ho ein dag saman med nokre andre var i Ytterøyi på lyngskjering kom ho for langt ut på bergkanten, gjekk utfor og fall i sjøen.  Då dei fekk tak i henne var ho død. 

Johannes Knutson Naterstad frå Kvinnherad, f. ikr. 1769, bygsla bruket i 1795.  G. ikr. 1794 Kari Davids dtr. Kviteberg frå Kvinnherad, f. p. Ljostveit 1762.  Born: David, f. 1803, g. 1830 Agata Særvoll, s. Kuven 4.  Johannes dreiv med fiske likeins som fyremannen og greidde seg godt.  Han døydde i 1812. 

Johannes Andersson Seglem frå Kvinnherad, f. 1782, vart i 1812 gift med ekkja Kari Davids dtr. og fekk bygsla bruket.  Born: Marta, f. 1813, s. n. Johannes dreiv med sjøen likeins som fyremennene, men sat tyngre i det enn dei.  Både han og kona døydde i 1841. 

Eivind Olson ytre Haugland, f. 1817, vart i 1841 gift med Marta Johannes dtr. indre Haugland, f. 1813, og flutte hertil for å verta brukar etter verfaren.  Men då begge verforeldri døydde i 1841 og kona fekk sjukdom på seg, vart det ikkje noko med bygsla av bruket.  Marta døydde i 1842 og Eivind flutte sidan til Hovland der han vart buande, s. H. 2. 

Vinsjans Olson Eikeland frå Fusa, f. 1817, kjøpte bruket i 1842 for 630 spd.  Når han gav so mykje for bruket, so var det avdi han samstundes løyste inn jordavgifti som hang att på bruki her.  G. 1840 Marta Engjels dtr. Berge frå Fusa, f. 1816.  Born: Metta, f. 1844, d. ug. 1935, Torbjørg, f. 1846, d. ung, Ola, f. 1847, drukna saman med faren, Engjel, f. 1850, s. n., Jon, f. 1855, s. br. 7.  Vinsjans dreiv med sjøen likeins som grannane.  Då han ein dag i 1864 var på heimveg frå Bergen saman med sonen Ola, kollsigla dei og begge kom burt på sjøen. 

Peder Paulson ytre Moberg, f. 1842, gifte seg i 1866 med ekkja Marta Engjels dtr. og vart brukar her.  Peder hadde ikkje skøyte på bruket.  Då Marta døydde i 1875, flutte Peder burt, og vart seinare brukar på ytre Haugland, s. y. H. 2, der ein finn meir um han. 

Engjel Vinsjansson indre Haugland, f. 1850, fekk skøyte på farsbruket ved skifte etter mori i 1876.  G. 1873 Randina Kristians dtr. Berge frå Eivindvik, f. 1851.  Born: Kristian, f. 1873, sjømann, d. 1895 på ferd til Sudamerika, Marta, f. 1876, d. 1900, Vilhelmina, f. 1878, d. 1934, Elias, f. 1883, s. n., Lars, f. 1885, i Amerika, Ola, f. 1887, i Amerika, Anton, f. 1889, s. br. 14, Anna, f. 1893, s. n., Kristina, f. 1898, g. 1920 Hans Lunde, s. L. 7.  4 born døydde unge.  Engjel var utlærd smed og hev drive med smidjearbeid.  Randina døydde i 1936. 

Elias Engjelson indre Haugland, f. 1883, skøytte bruket etter faren i 1921.  Syskeni fekk samstundes kvar ein liten part av bruket.  I 1923 skøytte Elias bruket attende til faren, men tok undan ein part for seg sjølv, s. br. 15.  Sjå um Elias og huslyden hans der. 

Engjel Vinsjansson tok atter bruket i 1923 og hadde det radt til 1936.  Han var heile 86 år gamall då han let det frå seg.  Sjå um han ovanfyre. 

Peder Johannesson Haukeland, f. 1890, vart i 1933 gift med Engjels dtr. indre Haugland, f. 1893, og fekk i 1936 skøyta bruket etter verfaren.  Born: Enhard, f. 1933.  Peder var i Amerika fyrr han kom til Haugland. 


INDRE HAUGLAND 4. 

Peder Andersson Særvoll, f. 1672, fekk i 1700 bygsla tridjeparten av indre Haugland, og den vart no skipa til eit nytt bruk.  Seinare i tidi vart det brigda noko på storleiken soleis at dei 4 bruki på garden vart meir like.  G. I 1701 Marta Steffens dtr. Borgen, f. 1680, d. 1720, g. II 1721 Brita Lars dtr. ytre Moberg, f. 1698.  Av 16 born vaks 8 upp: Eivind, f. 1705, g. 1732 Anna Sundøy, s. ytre Moberg 6, Rolf, f. 1715, g. 1737 Marta Lunde, s. L. 2, Helga, f. 1717, g. 1742 Arne ytre Haugland, s. y. H. 3, Steffen, f. 1720, d. 1741, Lars, f. 1722, s. n., Ola, f. 1726, s. br. 3, Peder, f. 1730, g. 1755 Marta ytre Haugland, s. y. H. 4, Anders, f. 1733, g. 1761 Barbru Midthus, s. Mobergslien 1.  Peder var ein av dei få bøndene i Osbygdi som ikkje hadde skuld og var nærast ein velstandsmann å kalla.  Fyrste kona hans hadde eit gasta sylvbelte, og ved skiftet etter henne vart beltet sett i same verde som 2 kjyr.  Peder døydde i 1741. 
Ekkja Brita Lars dtr. hadde so bruket eit par år.  Brita vart eit drivande kvinnfolk, og i 1742 bygsla ho ogso bruk 3.  Sistnemnde bruket hadde ho radt til 1756 då ho gav det frå seg til sonen Ola, men bruket her let ho frå seg alt i 1744.  Sjølv gifte ho seg att i 1748 med grannen Mons indre Haugland, s. br. 1, der ho er nemnd vidare. 

Lars Pederson indre Haugland, f. 1722, bygsla bruket etter mori i 1744.  G. 1744 Anna Peders dtr. Sundøy, f. 1720.  Born: Brita, f. 1745, g. Jakob Molda, s. M. 2.  Lars streva tungt dei nokre åri då han hadde bruket.  Han døydde alt i 1747. 
Ekkja Anna Peders dtr. hadde bruket i 4 år etter at mannen døydde.  I 1751 vart ho gift att med Albrigt Skjeie, s. Særvoll 3, der ein finn meir um henne. 

Ola Vinsjansson Lepsøy, f. 1726, bygsla bruket i 1751.  G. I 1750 Brita Amunds dtr. Tveit frå Strandvik, f. ikr. 1699, d. 1755, g. II 1755 Ragnhild Steffens dtr. Kuven, f. 1728.  Med kvar av konone sine fekk Ola ei dotter, og begge fekk namnet Brita.  Same året som han vart brukar, kom han i strid med grannen Ola Pederson um slåtteteigane, s. br. 3.  Ola greidde seg ikkje på bruket, og i 1757 flutte han frå Haugland og busette seg i Bergen.  Seinare flutte han til Kjøpenhamn, der me finn han i 1773.  Han gjorde då tenesta som soldat og hadde kona og 3 born.  Ola kom ikkje attende til Norig. 

Jakob Halvardson Rein frå Strandvik, f. 1728, bygsla bruket i 1758.  G. I 1757 Brita Nils dtr. Hjelle, f. 1730, d. 1772, g. II 1775 Brita Anders dtr. Åsen, f. 1735.  Born: Guro d. e., f. 1757, g. 1783 Ola Nilsson Holmefjord, Halvard, f. 1759, g. 1790 Ingeborg Halhjem, s. H. 2, Guro d. y., f. 1768, g. 1791 Jon Monsson Jarland frå Samnanger.  Jakob sat svert tungt i det dei fyrste åri, men han var ein drivande kar, heldt seg mykje med sjøen og arbeidde seg framover etterkvart.  I 1779 fann han på å flytta fjoset sitt inn i den sams løda på garden og kom for dette upp i ein strid med grannen, s. br. 3.  Jakob døydde i 1784. 
Ekkja Brita Anders dtr. hadde so bruket eit par år. 

Mons Størkson Sælen, f. 1747, vart i 1786 gift med ekkja Brita Anders dtr., og fekk same året bygsla bruket.  Mons dreiv med sjøen likeins som fyremennene.  Han døydde alt i 1798 og Brita vart ekkja andre gongen. 
Hans Heljeson Storelid frå Fusa, f. 1767, vart i 1799 gift med ekkja Brita Anders dtr. og bygsla bruket.  Brita døydde i 1815, og Hans gifte seg att året etter med Anna Asbjørns dtr. ytre Haugland, f. 1797.  Born: Helje, f. 1817, s. n., Brita, f. 1819, g. 1840 Klaus Lunde, s. L. 3, Nils, f. 1823, g. 1852 Ingeborg Johannes dtr. Håvardstun (Nordås) i Fana, b. Håvardstun, s. F. B. 804, Gjertrud, f. 1826, ug., b. Bergen, Asbjørn, f. 1829, ug., b. Bergen, Ingjerd, f. 1836, d. ug. 1923.  Hans dreiv med sjøen og sat tolleg godt i det.  Han døydde i 1848 og Anna i 1873. 

Helje Hansson indre Haugland, f. 1817, vart brukar etter faren i 1841.  Han kjøpte samstundes bruket for 170 spd., men måtte alt året etter selja det for same sumen til landhandlar Hans Krüger på Skjørsand.  G. I 1839 Marta Jons dtr. Lunde, f. 1808, d. p. barseng 1855, g. II 1856 Magdela Pauls dtr. Særvoll, f. 1820, d. p. barseng 1857, g. III 1858 Brita Pauls dtr. Særvoll, f. 1829.  Helje hadde 18 born, men berre 9 vaks upp: Peder, f. 1839, handelsmann i Bergen, tok borgarskap i 1865, g. 1865 Anna Vinsjans dtr. Rossvoll frå Fusa, Anna, f. 1841, Hans, f. 1845, g. 1865 Sygni Rasmus dtr. Drivenes frå Fitjar, b. Bergen, Bertina, f. 1852, g. 1877 sjømann Salomon Larsson frå Fitjar, b. Bergen, Paul, f. 1858, g. Teodora Ingebrigtsen, s. Askvik 12, Matias, f. 1861, brusfabrikant, b. Bergen, Berta Magdalena, f. 1866, g. 1893 Andreas Johannesson Skarås frå Hordabø, b. Nesttun, Helmer, f. 1870, elektrikar, b. Bergen, Nils Olai, f. 1873, g. 1901 Margreta Anders dtr. Romslo frå Haus, b. Skulstad i Haus.  Helje døydde i 1899 og Brita nokre år seinare. 

Jon Andersson ytre Haugland, f. 1850, vart brukar i 1879.  I 1894 kjøpte han bruket for 1300 kroner etter Ole Hansen, Kvalesund, som i 1853 hadde kjøpt det av verfaren Hans Krüger.  Jon hadde vore busett på Almeland i Fana fyrr han kom til indre Haugland.  G. 1874 Malena Hans dtr. Tøsdal, f. 1852.  Born: Anders, f. 1875, i Amerika, s. O. B. II 38, Hans, f. 1877, s. n., Ola, f. 1881, i Amerika, Lars, f. 1884, i Amerika, Maria, f. 1887, arb. i Arne fabrikkar, Martin, f. 1890, i Amerika, Jon, f. 1895, i Amerika.  Jon var smed og dreiv ogso med ymse trearbeid.  Han døydde i 1917 og kona i 1934. 

Hans Jonson indre Haugland, f. 1877, skøytte bruket etter faren i 1898.  G. 1904 Olina Johannes dtr. Vestervik frå Varaldsøy, f. 1883.  Born: Jon, f. 1908, s. n., Borghild, f. 1913, g. 1938 Vilhelm Nilsson Særvoll, Hanna, f. 1917, Elida, f. 1922.  Hans hev vore bøkkar og drive med treskoarbeid.  Han hev vore med i likningsnemndi o. a., og var i heradstyret 1929 – 1931.  Kona døydde i 1938. 

Jon Hansson indre Haugland, f. 1908, driv farsbruket no.  G. 1933 Anna Nils dtr. Sagebakken (Skjeie), f. 1913. Born: Hans, f. 1933, Nils, f. 1936, Aslaug, f. 1938, Jonn, f. 1939.  Jon er trearbeidar og driv ein liten treskofabrikk på Haugland. 


INDRE HAUGLAND 5. 

Lars Nilsson Halhjem, f. 1763, vart fyrste brukaren her, då han i 1788 vart gift med Anna Lars dtr. indre Haugland, f. 1763, og året fyrr fekk bygsla halve bruket åt verfaren.  Born: Nils, f. 1791, s. n., Brita, f. 1792, g. 1824 Lars Røttingen, s. R. 1, Lars, f. 1795, s. br. 2, Ola, f. 1798, g. 1832 Ingeborg Reinerts dtr., s. Røttingen 10.  Lars dreiv fiske og sat tolleg godt i det.  Han døydde i 1835 og kona i 1828. 

Nils Larsson indre Haugland, f. 1791, kjøpte bruket for 170 spd. då faren døydde i 1835.  I 1842 selde han bruket att til Ole Hansen, Kvalesund, og fekk samstundes bygsla bruket på sonen, s. n.  G. 1817 Kari Anders dtr. indre Lekven, f. 1793.  Born: Anna, f. 1816, Lars, f. 1817, s. n., Villum, f. 1821, g. 1858 Kristi Søvik, s. S. 1, Anders, f. 1823, g. 1846 Ingeborg Røttingen, s. R. 9, Anna (tvilling), f. 1827, g. 1866 Hans Bjørnen, s. B. 3, Kari, f. 1827, d. 1843, Marta, f. 1833, s. br. 2, Hans, f. 1837, fyrbøtar, g. I 1865 Anna Kåres dtr. Os, g. II 1878 Johanna Rasmus dtr. Alværn frå Gaular, b. Bergen.  Tvo born døydde unge.  Då Nils selde bruket i 1842, let han det samstundes frå seg og.  Han døydde i 1875 og kona i 1872. 

Lars Nilsson indre Haugland, f. 1817, bygsla farsbruket av den nye eigaren i 1842.  G. 1850 Kari Ols dtr. ytre Haugland, f. 1829.  Born: Nils, f. 1856, s. n., Ola, f. 1860, g. 1886 Barbru Røttingen, s. R. 22, Eivind, f. 1863, g. 1892 Larsina Lars dtr. Sørstrønen, b. Brekke i Fitjar, s. Fitjarboki II 7, Anna, f. 1867, Anna Karina, f. 1870, g. Olai Grimson Husavik i Fitjar, s. F. B. II 10.  3 born døydde unge.  Lars var treskoarbeidar.  Han døydde i 1887 og Kari i 1886. 

Nils Larsson indre Haugland, f. 1856, bygsla bruket i 1887 og kjøpte det av buet etter Ole Hansen i 1895.  G. 1887 Larsina Johannes dtr. Røttingen, f. 1858.  Born: Kari, f. 1888, g. 1917 Anders ytre Haugland, s. y. H. 7, Johannes, f. 1890, i Amerika, Lars, f. 1895, s. n.  Ein gut døydde tidleg.  Nils dreiv med treskoarbeid.  Han døydde i 1939 og kona i 1933. 

Lars Nilsson indre Haugland, f. 1895, skøytte farsbruket i 1934 og hev det no. 


INDRE HAUGLAND 6 (Ytterøy). 

Bagge Hansson indre Haugland, f. 1792, kjøpte ein part av Ytterøyi i 1832, samstundes som han kjøpte farsbruket sitt på Haugland.  Sjå um han under br. 1. 

Ola Hansson Kvalesund kjøpte eigedomen av Bagge i 1852 for 20 spd.  Ettermannen i Kvalesund, Bård Olson Helland, vart eigar etter Ola Hansson i 1895 og åtte her til 1923.  Sjå um desse tvo eigarane under Kvalesund 1. 

Ingeniør Fredrik Schumann frå Bergen kjøpte eigedomen i 1923, og kona hans Astrid Schumann, f. Pettersen, fekk skøyte på bruket.  Han hadde alt i 1914 kjøpt ein part i øyi av br. 4 og bygde no på eigedomen.  Fru Inga Sundt frå Bergen fekk skøyte på bruket etter mori i 1935 og er eigar no.   Eigedomen er nytta som sumarbustad. 


INDRE HAUGLAND 7 (Stølen). 

Jon Vinsjansson indre Haugland, f. 1855, festa ikr. 1880 ei tuft «Stølen» på farsbruket og bygde her.  G. 1879 Kari Anders dtr. Lunde, f. 1859.  Born: Vinsjans, f. 1880, g. Bergljot Kvinge, s. br. 9, Anna, f. 1882, g. kyrkjegardsarbeidar Magne Espe, b. Bergen, Torbjørg, f. 1887, g. dykkar Johan Askeland, b. Bergen, Anders, f. 1888, sjømann, kom burt på sjøen, Karina (tvilling), f. 1892, g. Joakim Kvinge, s. ytre Lekven 9, Johanna, f. 1892, g. verkstadarbeidar Bernhard Birkeland, b. Bergen, Tilla, f. 1895, butikkdama, b. Bergen, Maria, f. 1898, butikkdama, b. Bergen, Marta, f. 1900, g. postbud Karl Berntsen, b. Bergen.  Tvo gjentor døydde unge.  Jon var i Lofotfisket mange år, og saman med Lars og Eivind indre Haugland, Hans Bruarøy og Johannes Røttingen sigla han til Lofoten i open båt.  I 1896 flutte han til Kronstad ved Bergen og tok huset med seg.  Han dreiv seinare som skomakar. 


INDRE HAUGLAND 8 (Reset). 

Anders Andersson Halhjem, f. 1829, festa ikr. 1890 ei tuft på br. 3 og bygde her.  G. I 1870 Ragnhild Ols dtr. Skjeie, f. 1828, d. 1879, g. II 1888 Kari Jakobs dtr. Nordstrønen, f. 1838.  Dei hadde ikkje born.  Anders hadde fyrr han kom til Haugland vore arbeidar i Lysekloster, og seinare dreiv han med treskoarbeid og som bygningsmann.  Kona hadde ein liten brødhandel.  Anders døydde i 1898. 
Ekkja Kari Jakobs dtr. var busett her etter at mannen fall frå og dreiv brødhandelen som fyrr.  Ho døydde i 1919 og jordstykket fall attende til hovudbruket. 


INDRE HAUGLAND 9 (Solsten). 

Vinsjans Jonson indre Haugland, f. 1880, festa i 1911 ei tuft av farbroren sitt bruk og bygde her.  G. 1915 Bergljot Ingebrigts dtr. Kvinge frå Bergen, f. 1887.  Eit barn døydde tidleg.  Vinsjans var maskinist på dampbåt til 1920 åri og hev seinare drive mekanisk verkstad saman med verbroren, s. ytre Lekven 8.  Kona døydde i 1916. 


INDRE HAUGLAND 10 (Solnes). 

Kjøpmann Ingvald Berg frå Bergen kjøpte i 1916 ein part av br. 5, men selde den att same året til murmeistar Ernst Eide, Bergen.  Skipsreidar Sigurd W. Bøe frå Bergen kjøpte eigedomen i 1918 og bygde på bruket.  Då han døydde i 1920, selde ekkja Hulda Bøe bruket til fru Inga Sundt.  I 1918 vart det ogso kjøpt ein part av br. 2 og lagt til eigedomen.  Inga Sundt, som seinare er gift med ingeniør P. M. Kolderup frå Bergen, er framleis eigar av bruket.  Eigedomen vert nytta som sumarbustad. 


INDRE HAUGLAND 11 (Tveiten). 

Reinert Nilsson Åse frå Gaular i Sunnfjord, f. 1888, kjøpte i 1918 eit stykke av br. 1 og busette seg her.  G. 1911 Anna Tomas dtr. Lunde, f. 1888.  Born: Nils, f. 1911, s. n., Tomas, f. 1914, sjømann, g. 1938 Ingeborg Lars dtr. Røttingen (Born: Per, f. 1939), Olga, f. 1916, hushjelp, Ingvald, f. 1918, målar, Gabriel, f. 1920, Reidar, f. 1923, Ingeborg, f. 1926.  Reinert hev vore bøkkar og er no murar og steinarbeidar. 

Nils Reinertson Åse, f. 1911, skøytte bruket av faren i 1935.  Sjå um han under ytre Haugland 23. 


INDRE HAUGLAND 12 (Solheim). 

Lars Endreson Blåsternes frå Austevoll, f. 1890, kjøpte i 1919 eit jordstykke av br. 4 og bygde her i 1921.  G. 1916 Johanna Kristina Endres dtr. Søreide frå Austevoll, f. 1887.  Born: Endre, f. 1917, Elida, f. 1919.  Lars var målar, og ikr. 1926 flutte han til Fana og byrja målarverksemd der. 

Mons Paulson Halhjem kjøpte bruket og fekk skøyte i 1930.  Sjå um Mons under Halhjem 5. 

Charles Bjørnsen, f. i Trondheim 1895, busette seg på bruket og fekk sidan kjøpa det av Mons Halhjem.  G. 1917 Marta Hans dtr. ytre Haugland, f. 1895.  Born: Bjørn, f. 1918, sjømann, Ruth, f. 1919, Aud, f. 1921, Elsa, f. 1923, Harald, f. 1925, d. 1933, Arne, f. 1928.  Charles var maskinist på dampbåt.  Han døydde i Arkangelsk 1929. 
Ekkja Marta Hans dtr. hev stjorna bruket etter at mannen døydde. 


INDRE HAUGLAND 13 (Veanesstølen). 

Ingeniør T. W. Wilson frå Bergen kjøpte i 1921 eit jordstykke av br. 5 og bygde seg sumarhus her. 


INDRE HAUGLAND 14 (Grindheim). 

Anton Engjelson indre Haugland
, f. 1889, skøytte i 1921 ein part av farsbruket og bygde her.  G. 1912 Hanna Hans dtr. Vinnes frå Strandvik, f. 1888.  Born: Anny, f. 1913, g. 1936 Ola Monsson Lunde, Einar (tvilling), f. 1916, sjauffør, Harald, f. 1916, sjømann, Artur, f. 1921, bud i Bergen.  Anton hev vore timbermann og er formann ved sementstøyping. 


INDRE HAUGLAND 15 (Soltveit). 

Elias Engjelson indre Haugland, f. 1883, heldt att ein part av bruk 3 då han skøytte det attende til faren i 1923, s. br. 3, og bygde på det nye bruket.  G. 1907 Kristina Storks dtr. Salbuvik, f. 1885.  Born: Marta, f. 1907, g. 1925 byggmeistar Malvin Andersson Bjørnen, b. Fana, Einar, f. 1909, i Amerika, Sigvald, f. 1912, trearbeidar, g. 1939 Hanna Hans dtr. Særvollsvik, Margot, f. 1916, g. 1936 Herman Haraldson ytre Haugland, (Born: Edel, f. 1937), Anny, f. 1918, Karen, f. 1923.  Elias er bøkkar.  Han hadde fyrr han tok farsbruket vore busett i Bergen og på Tysnes.