INDRE LEKVEN
Frå OS SOGA III side 281 – 293
49. INDRE LEKVEN.
Um namnet, uttale og skrivemåtar, sjå ytre Lekven.
Garden ligg like ved sida av ytre Lekven og var Lysekloster-gard likeins som grannegarden. Bygslemennene kjøpte bruki sine i tidi 1875 – 1878.
Or gamle matriklar og teljingar
1668: Saar 4 stadtztønder, afler 15 tdr., temmelig agger og eng, lidet brendeuedskoug, ligger 1 laxeuog under som siges ey at være jorden tilhørig, mens andre bønder, – – tilsagt at plante homblehagge.
1723: Ingen sætter, ei heller ringeste skoug, ingen qvern eller fiskerie, særdeles god kornjord og letvinden, men meget ilde faren for udmarch til fæbete. Har slet ingen næring eller brug uden deres gaards aufling.
1865: Har 18 maal dyrket ager og eng, deraf 6 mål godt, 6 middels og 6 slet, har 84 maal naturlig england, hvoraf 27 maal godt, 43 middels og 14 slet, af englandet kan 5 maal dyrkes. Har kun skog til 2/3 brændefang og intet videre, føder ikke creaturer ved lyng, Knuts brug er middels at bruge og de andre er letbrugte, er alle almindelig drevet.
Busetnad og buskap.
| Hus- | Menne- | Hes- | Stor- | Sma- | Gjei- | Svin. | Utsåd | Utsåd | |||
| lydar. | skje. | tar. | fe. | ler. | ter. | korn. | poteter. | ||||
| 1657 | 2 | 11 | |||||||||
| 1668 | 2 | 15 | 4 | tun | |||||||
| 1723 | 3 | 24 | 3 | 6 | » | ||||||
| 1800 | 4 | 17 | |||||||||
| 1835 | 3 | 19 | 2 | 18 | 24 | 1 | 7,5 | » | 6 | tun. | |
| 1865 | 5 | 24 | 1 | 26 | 61 | 3 | 10 | tun. | 11,5 | tun. | |
| 1900 | 6 | 27 | 2 | 20 | 34 | 6 | 11 | hl. | 35,5 | hl. | |
| 1920 | 9 | 33 | 4 | 27 | 21 | 5 | 13,5 | mål | 10,5 | mål | |
| 1930 | 8 | 21 | 4 | 26 | 34 | 5 | 8 | » | 6 | » | |
| 1939 | 4 | 30 | 37 | 2 | 4 | » | 6 | » | |||
INDRE LEKVEN 1.
Lafrens pa Lequene (Lavrants eller Lars Lekven) var brukar i 1519, og er fyrste mannen som me finn namngjeven her på garden. Heile indre Lekven var då eitt bruk.
Peder Lekven hadde garden i 1563. Han var lagrettemann i bygdi og var m. a. i 1569 med som domar i striden um laksefisket i Oselvi, s. O. B. I 217. Korlenge Peder hadde garden, veit me ikkje.
Sjur Lekven var brukar i 1591 og hadde då truleg havt garden ei tid. Han var brukar til 1602.
Ola Lekven bygsla garden i 1603. I 1616 vart garden skift soleis at det vart eitt stort og eitt lite bruk på indre Lekven, s. br. 2. Ola sat tolleg godt i det. Av borni kjenner me ein son, Ola, f. ikr. 1610, s. n., og truleg var ogso Rasmus ytre Lekven, s. y. L. 2, son hans. Korlenge Ola hadde bruket, veit me ikkje. Både far og son heitte Ola, og namnet Ola Lekven i skattelistone gjev ikkje greida på um det er ein gamall eller ein ung Ola som hev garden. Truleg hadde gamle Ola bruket til ikr. 1640.
Kvar dei nemnde brukarane var frå, og um nokon av dei var av same ætti, veit me ikkje.
Ola Olson indre Lekven, f. ikr. 1610, vart brukar etter faren. Kven fyrste kona hans var, veit me ikkje, men då ho døydde ikr. 1660, gifte han seg att med ei Marta Jons dtr., som kannhenda var frå Storum eller indre Moberg. Ho hadde fyrr vore gift med ein som heitte Johannes, s. Lunde 2. Ola hadde mange born, og av dei kjenner me 5 søner: Johhannes, f. ikr. 1636, g. ikr. 1660 Anna Sundøy, s. Røttingen 3, Nils, f. ikr. 1640, s. Mobergslien 1, Dag, f. ikr. 1642, Ola, f. ikr. 1654, g. 1681 Kari Sørstrønen, s. S. 1, (då det vart skrive um Sørstrønen i bygdeboki II var det noko uvisst um Ola Sørstrønen var frå Lekven, men det er no stadfest), Henrik, f. ikr. 1657. Ei av døtterne vart gift med Nils Pederson indre Lekven, s. br. 2, men me veit ikkje namnet hennar. Ola sat smått i det, hadde klein helsa og var skriven som «krøbling» i dei siste åri han hadde bruket. Han døydde i 1664.
Ekkja Marta Jons dtr. hadde so bruket nokre år.
Arne Johannesson indre Tuen, f. ikr. 1632, vart ikr. 1668 gift med ekkja Marta Jons dtr: og bygsla bruket. I 1675 fekk dei ein son, Johannes, som døydde ung. Arne sat tungt i det, og i 1685 vart bruket hans skift, s. br. 3. Arne døydde i 1702 og kona i 1691.
Amund Nilsson indre Lekven, f. 1675, bygsla bruket då Arne døydde. G. I 1702 Marta Johannes dtr. Røttingen, f. 1674, d. 1704, g. II 1705 Brita Lars dtr. nedre Rød, f. 1681. Born: Lars, f. 1706, s. n., Johannes, f. 1708, g. 1743 Kristi Døsen, s. Halhjem 4, Marta, d. e., f. 1710, g. 1734 Nils Lunde, s. L. 4, Marta d. y., f. 1711, g. 1749 Johannes Askvik, s. A. 2, Anna f. 1715, d. 1733, Ragnhild, f. 1716, g. 1745 Jens Moberg, s. Askvik 3, Kari, f. 1717, g. 1740 Nils Tomasson, Bård, f. 1723, g. 1748 Kornilska Gulleiks dtr., s. Mobergslien 1. 4 born døydde unge. I 1712 gjorde Amund tenesta i sjøvernet, men var truleg ikkje med i den store ufreden, då han var noko gamall og hadde stor huslyd. Amund sat etter måten godt i det, og med siste kona si fekk han ein part i garden Utskot i Samnanger. I 1705 bygsla Amund eit bruk på Lunde og flutte dit i 1716, men hadde framleis bruket her til sonen tok det, s. n. Sjå meir um Amund under Lunde 4.
Lars Åmundson Lunde, f. 1706, bygsla farsbruket i 1732. G. 1733 Kari Ols dtr. ytre Lekven, f. 1708. Born: Brita, f. 1734, g. 1762 Torstein Monsson indre Haugland, Anna, f. 1736, d. 1757, Ola, f. 1746, Lars, f. 1751. Tvo born døydde unge. I 1742 bytte Lars bruk med Ola ytre Lekven og flutte til ytre Lekven, s. y. L. 1 og 2, der ein finn meir um han.
Ola Danielson ytre Lekven, f. 1700, bytte bruk med Lars og bygsla her i 1742. G. 1728 Kari Ellings dtr. Indre Lekven, f. 1710. Ola døydde alt i 1743. Sjå meir um Ola og huslyden hans under ytre Lekven 2.
Ekkja Kari Ellings dtr. hadde so bruket eit par år.
Nils Eivindson indre Lekven, f. 1721, gifte seg i 1745 med ekkja Kari Ellings dtr. og hadde alt året fyrr bygsla bruket. Dei fekk 5 born, men 4 av dei døydde fyrr dei vart årsgamle. Berre dotteri Anna, f. 1750, vaks upp, s. n. Nils sat godt i det. I 1747 måtte han for retten saman med dei andre Lekvenmennene avdi dei hadde hogge i Mobergsmarki, s. ytre Lekven 1. Nils døydde i 1775 og kona i 1773.
Då Nils kom til bruket, hadde det desse husi: Ei røykstova med kove og sval, ei sengebud med lem, eldhus, stabur, eit nytt fjos, hestestall og kvernhus. Det gamle fjoset hadde Nils saman med br. 2, og løda hadde alle 3 grannane på garden ihop. Naust hadde Nils saman med Lars ytre Lekven, og dette stod på ein notevoll som Ola Gjerevik hadde ått og som Ola Foer no hadde arva etter han. Alle husi hadde torvtak og var i tolleg god stand.
Lekven hadde no greide skiftemerke. I grensa mot ytre Moberg vart det etter striden i 1747 sett upp hagard (skiftegjerde), og i Ferstadskiftet var «hagarmoe», leivder etter ein gamall hagard. Mot Lunde var hagard og likeins mot Haugland, og mot Særvoll skifte bøgjerdet åt denne garden. Mot Tuen var ikkje greid grensa. Millom indre og ytre Lekven var det skiftesteinar på bøen, men beistehagen var sams for begge gardane.
Anders Torkjellson Skjeie, f. 1749, vart i 1772 gift med Anna Nils dtr. indre Lekven, f. 1750, og fekk same året bygsla bruket etter verfaren. Anna døydde alt i 1776, og Anders gifte seg att året etter med Anna Eivinds dtr. Søvik, f. 1754. Born: Kari d. e., f. 1774, g. 1798 Daniel ytre Haugland, s. y. H. 1, Nils, f. 1780, s. n., Eivind, f. 1788, g. 1817 Mari ytre Tuen, s. y. T. 2, Anna (tvilling), f. 1793, g. 1816 Ola ytre Haugland, s. y. H. 7, Kari d. y., f. 1793, g. 1817 Nils indre Haugland, s. i. H. 5. Tvo born døydde unge. Anders sat tolleg godt i det og var jamt ute på fiske. I 1784 hadde han hopehav med Jon Holmefjord under fisket, og dei kom i strid um uppgjerdi. Med siste kona si fekk han mykje husbunad, m. a. ein sver koparkjel. Anders kunde skriva og rekna, noko som då var sjeldsynt millom Osbøndene, og saman med Magnus Haukeland gjekk han på osingane sine vegne igjenom godseigar Formann sine leiglendingsrekneskapar i 1781. Då bøndene på Lekven og Tuen vart tekne for retten i 1779 avdi kjyrne deira gjekk i Mobergsmarki, s. y. Moberg 6, so var det Anders som var førar for Lekvenmennene. Han heldt husi sine svert kleint og måtte leggja stor husåbod til Formann. Kvernhuset hans ramla heilt ned, og i 1785 vart det «kasseret» som kvern av styremaktene. Anders døydde i 1808 og siste kona i 1815.
Nils Andersson indre Lekven, f. 1781, bygsla bruket etter faren i 1809. G. I 1809 Helga Ols dtr. Sundøy, f. 1787, d. 1815, g. II 1816 Marta Kristens dtr. Eide, f. 1798. Born: Anna, f. 1812, g. 1844 Jon Grindevoll, s. G. 2, Anders, f. 1815, s. n., Helga, f. 1818, s. n, Brita, f. 1821, g. 1850 Albrigt Grindevoll, s. G. 2, Kari, f. 1834, d. 1849. Tvo born døydde unge. Nils sat godt i det likeins som faren og var ein vyrd mann i bygdi. Han var jamt lagrettemann, og på tinget var han nokre gonger målsmann for bygdefolket. Nils døydde i 1853 og Marta i 1871.
Anders Larsson Gjøn frå Hålandsdalen, f. p. Solas 1801, vart i 1842 gift med Helga Nils dtr: indre Lekven, f. 1818, og bygsla bruket etter verfaren. På 7 år fekk dei 7 born, men 4 av dei, m. a. eit tvillingpar, døydde unge. Dei som vaks upp var: Lars, f. 1843, sjømann, Ingeborg (tvilling), f. 1847, g. 1873 Hans Hagevik, s. Hovland 3, Marta, f. 1847, g. 1887 Johannes Kuventræ, s. Kuven 6. Anders dreiv fiske og kom burt på sjøen i 1849.
Ekkja Helga Nils dtr. hadde so bruket nokre år. I 1866 vart ho gift att med Anders ytre Tuen, s. y. T. 2.
Anders Nilsson indre Lekven, f. 1815, bygsla bruket etter systeri i 1852. Han hadde fyrr vore busett på ytre Tuen. G. 1846 Anna Eivinds dtr. ytre Tuen, f. 1818. Av 5 born vaks 2 upp: Helga, f. 1855, i Amerika, Nils, f. 1858, s. n. Anders dreiv med sjøen likeins som fyremannen. Han døydde alt i 1863.
Ekkja Anna Eivinds dtr. hadde so bruket radt til ho døydde i 1877.
Nils Andersson indre Lekven, f. 1858, kjøpte farsbruket i 1878 for 2380 kroner. G. 1877 Bertina Maria Torsteins dtr. ytre Lekven, f. 1855. Born: Teodor, f. 1878, s. n., Anna, f. 1881, g. renovasjonsarbeidar Hans Torstensen, b. Bergen, Helena, f. 1887, g. 1911 Laurits Sperrevik, s. Søvik 4, Gurina, f. 1889, Nilsina, f. 1892, g. 1912 Bertin Søvik, s. S. 2, Anders, f. 1898, g. 1927 Gudrun indre Tuen, s. i. T. 6. 3 born døydde unge. Nils var steinarbeidar. Han døydde i 1937 og kona i 1926.
Teodor Nilsson indre Lekven, f. 1878, vart brukar saman med faren og skøytte farsbruket i 1913. G. 1899 Maria Ols dtr. Lunde, f. 1879. Born: Maria, f. 1899, g. Peder Birkelid, gardbrukar på Bahus i Fana, Agata, f. 1902, g. 1927 Eivind Sjøbøen, s. S. 1, Nils, f. 1904, s. n., Olav, f. 1906, s. br. 7, Astrid, f. 1908, sjukesyster, Helga, f. 1910, hushjelp, Borghild, f. 1913, hushjelp, Tilla, f. 1916, hushjelp, Arne f. 1918, sjømann, Gurina, f. 1922. Teodor hev drive steinarbeid o. a. attåt gardsbruket.
Nils Teodorson indre Lekven, f. 1904, hev vore busett hjå faren og skal ha bruket seinare. G. 1928 Ingeborg Knuts dtr. Grindheim frå Laksevåg, f. 1909. Born: Anna, f. 1929, Tor, f. 1931, Knut, f. 1933, Magnhild, f. 1935, Odd, f. 1937, Ingvald, f. 1938. Nils hev vore steinarbeidar og er no gardstyrar på Hellevik i Fjaler.
INDRE LEKVEN 2.
Peder Lekven vart fyrste brukaren her, då Indre Lekven i 1616 vart skift i tvo partar. Peder var rekna som husmann og hadde berre 1/6 av garden. Um han var i ætt med folket på det andre bruket, veit me ikkje. Peder var gift og hadde m. a. ein son Nils, f. ikr. 1623, s. n. Peder døydde i 1627.
Mikkjel Andersson, f. ikr. 1606, vart i 1628 gift med ekkja etter Peder og fekk bruket. Mikkjel var truleg son åt Anders indre Haugland og fekk m. a. ein son, Anders, f. 1638. På sine gamle dagar fekk Mikkjel seg ei ny kona og fleire born, soleis Jørgen, f. 1670, Ingeborg, f. 1671, og Anders, f. 1675. Mikkjel stjorna dei fyrste åri halve indre Lekven, men seinare hadde han berre seksteparten og vart rekna som husmann likeins som fyremannen. Mikkjel døydde ikr. 1680.
Nils Pederson indre Lekven, f. ikr. 1623, vart brukar etter stykfaren og fekk halve garden likeins som Mikkjel hadde havt ei tid. Nils var gift 3 gonger. Fyrste kona, som me ikkje veit namnet på, var dotter åt Ola indre Lekven. Ho døydde ikr. 1670, og eit par år etter gifte Nils seg att med Ragnhild Rasmus dtr. ytre Lekven, f. ikr. 1650. Ho døydde, og Nils gifte seg att med ei ung ekkja Marta Nils dtr., som fyrr hadde vore gift med ein som heitte Anders og hadde med han ei dotter, Marta Anders dtr., s. n. Kvar Marta og fyrste mannen hennar var frå, veit me ikkje, men dei var truleg ikkje frå Os. Nils hadde fleire born: Kristi, f. 1673, g. 1698 Ola Olson Ulven, var busett på Lekven ei tid, Amund, f. 1675, s. br. 1, Eivind, f. 1677, s. n., Kari, f. 1678, g. 1723 Lars Lunde, s. L. 3. I 1668 vart Nils lensmann for Lysekloster gods og hadde yrket til ikr. 1680, s. O. B. I 553. Truleg var han lite skikka som lensmann med di tenestetidi hans var so stutt. Nils døydde ikr. 1690.
Nils Bårdson Røttingen, f. 1651, vart ikr. 1690 gift med Marta Anders dtr. indre Lekven og bygsla bruket etter vermori og siste mannen hennar. Nils var ekkjemann då han kom til Lekven og var fyrste gongen gift i 1672 med Marta Eivinds dtr. indre Haugland, f. ikr. 1645. Han hadde fyrr havt bruk på Røttingen, s. R. 4, og på Sundøy, s. S. 4, og flutte frå Sundøy til indre Lekven. Nils og Marta Anders dtr. fekk ei dotter, Marta, f. 1692, g. 1725 Vinsjans Hovland, s. Lepsøy 1. Nils sat smått i det. Han døydde i 1728 og kona i 1721.
Eivind Nilsson indre Lekven, f. 1677, bygsla bruket i 1714 etter verbroren og halvsysteri. G. 1715 Nils dtr. Storum, f. 1684. Born: Nils d. e., f. 1718, g. 1743 Barbru Storum, s. S. 2, Nils d. y., f. 1721, s. br. 1, Marta, f. 1723, s. n., Eivind, f. 1725, g. 1753 Kari Søvik, s. S. 1, Herborg, f. 1728, g. 1766 Peder Sørstraumen, s. S. 1. Tvo gutar døydde unge. Eivind dreiv mykje med fiske og sat tolleg godt i det. Han åtte m. a. ein part i garden Sørstrønen som han selde til Peder Brems i 1737. Eivind døydde i 1758 og kona i 1742.
Jon Larsson Halhjem, f. 1721, vart i 1744 gift med Marta Eivinds dtr. indre Lekven, f. 1723, og vart brukar saman med verfaren. Frå 1754 hadde han bruket åleine. Born: Anna f. 1745, g. 1773 Anders Lepsøy, s. Lunde 1, Margreta, f. 1747, d. ug. 1775, Agata, f. 1749, Lars, f. 1751, s. n., Eivind, f. 1755, g. 1777 Anna ytre Haugland, s. y. H. 4, Jon, f. 1758, d. ung, Nils, f. 1761, g. 1787 Anna Storum, s. S. 3. Jon var stor og sterk og vart utskriven som «grenader» til militærtenesta. Han var ein drivande kar på sjøen likeins som verfaren, men sat tyngre i det enn han. Jon døydde alt i 1769.
Då Jon kom til Lekven var desse husi på bruket: Ei liti gamall røykstova, ei vanleg røykstova, eit eldhus, ei sengebud som Eivind åtte, men som han måtte lata frå seg til jordeigaren avdi han ikkje hadde vyrdsla dei andre husi, ei sengebud som Eivind hadde bygt um til stabur, eit svinehus, eit kvernhus og ei notbud som Eivind åtte sjølv. Løda brukte Eivind saman med dei andre Lekvenmennene og fjoset brukte han saman med br. 1, som elles hadde fenge seg upp nytt fjos åleine i 1740 åri. Eivind hadde naust saman med Lars ytre Lekven, men det var ramla ned og ikkje bygt upp att i 1750.
Ekkja Marta Eivinds dtr. stjorna bruket i 8 år etter at mannen døydde. Sjølv fall ho frå ikr. 1790.
Lars Jonson indre Lekven, f. 1751, bygsla bruket etter mori i 1777. G. 1775 Kari Knuts dtr. Gjerde frå Samnanger, f. 1745. Dei fekk 3 born, men berre dotteri Marta, f. 1777, vaks upp. Lars dreiv med fiske likeins som fyremennene. Han hadde bruket berre eitt år, då han døydde alt i 1778.
Asbjørn Jonson Håland frå Fusa, f. 1750, vart i 1778 gift med ekkja Kari Knuts dtr. og fekk bygsla bruket i 1784. Born: Gunvor, f. 1784, ug., Brita, f. 1787, s. n. Tvo born døydde unge. Asbjørn dreiv med sjøen likeins som fyremannen, men sat tungt i det. Han var elles ein vyrd mann og førde fleire gonger ordet for osingane på Lyseklostertinget. Asbjørn og grannen Eivind ytre Lekven vart begge utskrivne til kystvernet i 1804. Eivind, som hadde vore underoffiser, fekk utlevert byrsa til å verja seg med, men Asbjørn fekk berre handspik. Asbjørn døydde i 1823 og Kari i 1832.
Ola Andersson Gjerde frå Samnanger, f. 1786, vart i 1811 gift med Brita Asbjørns dtr. indre Lekven, f. 1787, og fekk bygsla bruket etter verfaren i 1815. Dei fekk ei dotter, Mari, f. 1812, d. ug. 1871. Då Ola som vitne i ei sak skulde nemna yrket sitt fortalde han at han berre 9 år gamall «blev gietlegut eller fårehyrde i Samnanger». Ola dreiv fiske medan han var busett på Lekven, men det var svert smått for han. Han døydde alt i 1821.
Ekkja Brita Asbjørns dtr. hadde so bruket eit par år.
Hans Hansson Heggland, f. 1792, gifte seg i 1823 med ekkja Brita Asbjørns dtr. og vart brukar her. Dei fekk ikkje born. Han dreiv med sjøen som fyremennene hadde gjort, men det synte ikkje etter strevet. Hans vart heller ikkje gamall på Lekven, då han døydde alt i 1839.
Ekkja Brita Asbjørns dtr. måtte so atter ta stjorningi av bruket, som ho no hadde i 10 år. Ho døydde i 1857.
Knut Tomasson Reigstad frå Samnanger, f. 1817, bygsla bruket då Brita sa det frå seg i 1849. G. 1842 Brita Johannes dtr. Hildersmark (Steintveit) frå Samnanger, f. 1814. Born: Tomas, f. 1843, dyrlækjar, s. br. 5, Anna, f. 1845, s. n. Fyrr Knut kom til Lekven, var han busett på Hildersmark, som han skøytte etter verfaren i 1842 og som han åtte lenge etter at han flutte til Lekven. Knut hadde fleire tillitsyrke i bygdi og var m. a. med i heradstyret 1862 – 65 og 1868 – 71. Han døydde i 1870 og kona i 1905.
Nils Johannesson Heggland, f. p. Frøland i Samnanger 1840, vart i 1869 gift med Anna Knuts dtr. indre Lekven, f. 1845, og bygsla bruket etter verfaren. I 1875 kjøpte han bruket av Lysekloster for 420 spd. Born: Karl, f. 1870, g. 1899 Dorthea Ådland frå Stord, b. Stord, s. O. B. II 64, Torgils, f. 1874, s. br. 6, Bertin, f. 1875, g. 1902 Andrea Kristiansen frå Molde, b. Laksevåg, s. O. B. II 57, Johannes, f. 1878, g. 1927 Sigrid Chalben, b. Odense i Danmark, s. O. B. II 65, Tomas, f. 1880, s. n., Nils, f. 1886, g. 1917 Randi Arnesen frå Kvinnherad, s. Hauge 12. Nils var ein vyrd mann i bygdi og var m. a. med i heradstyret 1876 – 79. Han døydde alt i 1891.
Ekkja Anna Knuts dtr. hadde so bruket radt til 1907. Ho døydde i 1930.
Tomas Nilsson indre Lekven, f. 1880, skøytte bruket etter mori 1907. G. 1908 Tora Nils dtr. Landvik frå Landvik ved Grimstad, f. 1878. Ho hadde fyrr vore lærarinna i Os, s. O. B. I 361 og 368. Born: Nils, f. 1910, styrmann, gjer tenesta i Kina, Herman, f. 1912, kontormann og handelsreisande, g. 1939 Laura Werner, b. Bergen. Tomas hev vore mykje med i kommunalt arbeid, soleis heradstyremedlem 1923 – 1937, og er mykje nytta som skyns- og utskiftingsmann i Midhordland. Han er ogso fylkesvald medlem av styret for Chr. Michelsens barneheim på Mobergslien.
INDRE LEKVEN 3.
Elling Olson indre Moberg, f. 1662, vart fyrste mannen på dette bruket då det vart skift ut frå br. 1 ikr. 1685. G. I 1687 Kari Arnes dtr. Særvoll, f. ikr. 1660, d. 1703, g. II 1704 Kari Lars dtr. Hauge, f. 1683. Av 16 born vaks 8 upp: Ola, f. 1689, g. 1712 Magdela Røttingen, s. R. 2, Jørgen, f. 1697, g. 1725 Marta Sundøy, s. S. 3, Arne f. 1705, g. 1731 Anna Tveit, s. T. 1, Lars, f. 1708, s. n., Kari d. e., f. 1710, s. br. 1, Anna, f. 1713, g. 1734 Ola indre Haugland, s. i. H. 2, Guro, f. 1718, g. 1740 Ola Jonson Krokeid i Fana, s. F. B. 605, Kari d. y., f. 1726, d. 1742. Elling dreiv sterkt med fiske og sat trass den store huslyden sin tolleg godt i det. Han døydde i 1739.
Lars Ellingson indre Lekven, f. 1708, vart brukar saman med faren i 1734. G. 1733 Ingeborg Peders dtr. Berge, f. 1711. Born: Peder, f. 1735. Ola, f. 1745, Lars, f. 1750, Kari, f. 1754. Ein gut døydde ung. Då faren døydde i 1739, freista Lars å få bygsla bruket, men fyrr det gjekk i lås, gifte mori seg att og ho slepte då ikkje bygsla frå seg. Men Lars vart brukar seinare, s. n.
Nils Paulson ytre Haugland, f. 1713, vart i 1740 gift med ekkja Kari Lars dtr. indre Lekven og fekk bygsla overført på seg. Lars dreiv med fiske likeins som fyremannen, men han sat svert smått i det den stutte tidi han hadde bruket. Han døydde alt i 1742. Kari livde til 1765.
Lars Ellingson indre Lekven, f. 1708, fekk bygsla bruket då stykfaren døydde. Um huslyden hans, s. o. Lars greidde ikkje reida ut bygslesumen åleine og difor fekk han verbroren på br. 1, Ola Danielson indre Lekven, med seg i bygsla. Men Ola døydde alt året etter, og Lars vart so brukar åleine. Han streva hardt, men greidde seg ikkje på garden, og i 1754 måtte han segja bruket frå seg. Han flutte då med huslyden til Storebø i Sund, der han sidan vart buande.
Då Lars flutte, var desse husi på bruket: Ei røykstova med kove attåt, ei sengebud, eldhus, stabur, eit nytt fjos, svinehus, sauehus og kvernhus. Dei tvo sistnemnde husi hadde Elling bygt upp sjølv og jordeigaren åtte ikkje dei. Løda hadde Lars ihop med dei andre mennene på garden. Dei tvo nausti som høyrde til bruket var begge komne burt. Det eine vart nedrive av Elling fyrr han døydde, og det andre måtte Lars lata frå seg til grannen på br. 1, som hadde rett på ein part i det. Husi var gode, då Elling hadde bygt dei alle frå nytt av, og Lars hadde halde dei i god stand.
Johannes Larsson Lunden, f. 1728, bygsla bruket då Lars flutte til Sund. G. I 1755 Kari Ols dtr. ytre Lekven (ho var systerdotter åt Lars), f. 1734, d. 1770, g. II 1771 Anna Ols dtr. Heggland, f. 1741. Johannes fekk 12 born, men 10 av dei døydde i ung alder. Berre tvo vaks upp: Lars, f. 1754, s. n., og Ola, f. 1770, g. 1794 Dordi indre Tuen, s. i. T. 3. Johannes dreiv mykje med sjøen og sat tolleg godt i det. Han var mykje vyrd i bygdi og var lagrettemann år etter år. Johannes døydde i 1806 og Anna i 1804.
Lars Johannesson indre Lekven, f. 1754, bygsla farsbruket i 1785. G. I 1785 Anna Hans dtr. Heggland, f. 1759, d. 1804, g. II 1805 Anna Lars dtr. ytre Moberg, f. 1766. Born: Johannes, f. 1788, s. n., Kari, f. 1791, g. 1827 Knut Simonson Glesnes i Sund. Tvo born døydde unge. Lars dreiv fiske likeins som faren, sat godt i det, og var vyrd i bygdi likeins som han. Han var ein av dei få bønder i Os som åtte bøker i huset, og m. a. hadde han den store boki Brochmans huspostill. Lars døydde alt i 1812 medan siste kona livde til 1835.
Johannes Larsson indre Lekven, f. 1788, bygsla bruket då faren døydde i 1812. G. 1815 Brita Ols dtr. indre Tuen (syskenborn), f. 1795. Born: Lars, f. 1816, d. 1836, Ola, f. 1817, s. n., Anna f. 1821, g. 1843 Nils ytre Moberg, s. y. M. 3, Hans, f. 1826, g. 1851 Marta ytre Moberg, s. y. M. 7, Johannes, f. 1828, g. 1851 Kari ytre Moberg, s. Lunden 4, Dordi, f. 1831, g. 1865 Ivar Johannesson Årøy frå Fjaler, Larsina, f. 1838, d. ug. 1915. Tvo born døydde unge. Johannes dreiv med sjøen likeins som forfederne. Han døydde i 1875 og kona i 1862.
Ola Johannesson indre Lekven, f. 1817, bygsla bruket etter faren. G. I 1844 Mari Nils dtr. ytre Moberg, f. 1809, d. 1885, g. II 1886 Gunvor Ols dtr. Borgen, f. 1826. Born: Brita, f. 1845, g. 1875 Simon Bjørnavik, s. Bjørnen 2, Johannes, f. 1847, s. n., Kari, f. 1849, s. br. 4, Nilsina, f. 1853, d. ug. 1881. Ola var fiskar og reiste med jakt på Nordlandsferder. Han døydde i 1903 og Gunvor i 1901.
Johannes Olson indre Lekven, f. 1847, vart brukar i 1871. I 1875 kjøpte han farsbruket for 600 spd. G. 1872 Synneva Lars dtr. indre Tuen, f. 1844. Born: Maria, f. 1873, Synneva, f. 1875, Anna, f. 1881, g. 1902 Anders Døsen, s. D. 2, Lars, f. 1886, s. n., Johannes, f. 1888, Kari, f. 1891, g. 1915 Eivind Eivindson ytre Tuen, b. Fana. Tvo gutar døydde unge. Johannes dreiv steinarbeid attåt gardsbruket. Han hadde ymse kommunale tillitsyrke, var soleis med i heradstyret 1880 – 83 og 1894 – 97, og var mykje nytta som skyns og utskiftingsmann. Johannes døydde i 1915 og Synneva i 1937.
Lars Johannesson indre Lekven, f. 1886, skøytte bruket etter faren i 1912 og er brukar no. G. 1912 Kristi Torbjørns dtr. Lyssand, f. 1887. Born: Synneva, f. 1913, hushjelp, Torbjørg, f. 1914, g. 1939 Asbjørn Andersson Lunde, Halhjem, Marit, f. 1922. Lars hev drive steinarbeid likeins som faren. Han hev m. a. vore med i likningsnemndi og andre nemnder.
INDRE LEKVEN 4.
Anders Olson Reigstad frå Samnanger, f. 1847, busette seg her i 1873. I 1880 fekk han festa eit lite innmarkstykke, Vetrelid, av br. 2. G. 1872 Kari Ols dtr. indre Lekven, f. 1849. Born: Ola, f. 1873, g. 1896 Maria Klyvalien, s. Hauge 11, Ingebrigt, f. 1885, g. 1910 Hanna Nikolaysen frå Bergen, s. Kuven 29, Maria, f. 1887, g. 1917 Artur Olsen, s. Os 16. Tvo born døydde unge. Anders dreiv med ymse gardsarbeid og arbeidde mykje i hagane hjå folk ikring Osøyri. Han døydde i 1935 og kona i 1921. Plassen fall attende til hovudbruket.
INDRE LEKVEN 5 (Granheim).
Tomas Knutson indre Lekven, f. 1843, festa i 1907 eit jordstykke hjå systeri på br. 2 og bygde her. Han hadde fyrr vore busett i Bergen. G. 1891 Martha Johannes dtr, Heldal frå Fana, f. 1869. S. O. B. I 650. Tomas Lekven var fylkesdyrlækjar i Hordaland frå 1877 til 1914. Han hev m. a. skrive ei dyrlækjarbok, og gjeve ut fleire småskrifter um jordbruk og husdyrbruk. Til hjelp for kreftsjuke skipa han eit legat. Sjå meir um han O. B. II 69 -70. Tomas Lekven døydde her i 1916.
Ekkja Martha Lekven hev havt eigedomen sidan mannen døydde. Ho hev gjeve store gåvor til reising av gamleheimen i Os og til andre gode fyremål.
INDRE LEKVEN 6 (Kalhaugen).
Torgils Nilsson Lekven, f. 1874, skøytte i 1924 eit stykke av broren sitt bruk og bygde her. G. 1924 Lucie Fraas frå Hafslo i Sogn, f. 1896. Torgils hadde vore kjøpmann i Bergen og dreiv i dei seinare åri ein skjortefabrikk der, s. O. B. II 60. Han døydde i 1938.
Ekkja Lucie Lekven hev eigedomen no.
INDRE LEKVEN 7 (Grønhaug).
Olav Teodorson indre Lekven, f. 1906, kjøpte i 1939 eit stykke av farsbruket og busette seg her. Eldste sonen fekk skøyte på bruket. G. 1928 Gudrun Hans dtr. Kippeved frå Fana, f. 1908. Born: Hans, f. 1929, Maria, f. 1931, Johanna, f. 1932, Gerd, f. 1933, Oddbjørn, f. 1937. Olav er murar og steinarbeidar.